WhatsApp-ის ბმული გაყიდვებისთვის

ბევრი მცირე ბიზნესი შეკვეთებს WhatsApp-ით იღებს. რაც უფრო მარტივია მოწერა, მით მეტი ადამიანი მოგწერს. WhatsApp-ს აქვს სპეციალური ბმული, რომელიც ჩატს პირდაპირ შენს ნომერზე ხსნის — ნომრის შენახვის გარეშე, თანაც უკვე ჩაწერილი ტექსტით. ქვემოთ — როგორ შექმნა ასეთი ბმული და როგორ გამოიყენო linkz.ge-სთან ერთად.

გაითვალისწინე: linkz.ge-ს WhatsApp-თან ინტეგრაცია არ აქვს. აქ აღწერილი გზა ჩვეულებრივ მოკლე ბმულს, QR-სა და Link in Bio გვერდს იყენებს.

ნაბიჯი 1: ააწყე wa.me ბმული

ფორმატი ასეთია: https://wa.me/ნომერი?text=ტექსტი. ნომერი საერთაშორისო ფორმატით ჩაწერე, +-ის, ინტერვალების, ფრჩხილებისა და ტირეების გარეშე. საქართველოს ნომრისთვის: 995 და შემდეგ ნომერი, მაგალითად https://wa.me/995599123456.

ნაბიჯი 2: დაამატე მზა ტექსტი

პარამეტრი text ჩატში ტექსტს წინასწარ ჩაწერს — მომხმარებელს მხოლოდ „გაგზავნა“ დარჩება. ტექსტი ბმულში დაშიფრული (URL-encoded) უნდა იყოს: ინტერვალი იწერება როგორც %20, ქართული ასოები კი %E1%83... ტიპის კოდებად იქცევა. მაგალითად, „Hello, I want to order“ ასე ჩაიწერება: ?text=Hello%2C%20I%20want%20to%20order.

ხელით დაშიფვრისას შეცდომა ადვილი მოსასვლელია, ამიტომ ტექსტი ნებისმიერი სანდო URL-encode ხელსაწყოთი დაშიფრე და შედეგი ტელეფონზე გამოსცადე. linkz.ge დაშიფვრის გარეშე ჩასმულ ქართულ ასოებს მისამართში არ მიიღებს. ტექსტი მოკლე იყოს: მისალმება და ის, რისი შეკვეთაც უნდა.

ტექსტის იდეები: „გამარჯობა, მინდა შევუკვეთო“, „გამარჯობა, ფასი მაინტერესებს“, „გამარჯობა, მიწოდება თუ გაქვთ?“. სხვადასხვა ადგილისთვის სხვადასხვა ტექსტიც შეგიძლია მოამზადო — მაშინ ჩატის პირველივე შეტყობინებიდან გეცოდინება, საიდან მოგწერა ადამიანმა.

ნაბიჯი 3: შეამოკლე

ქართული ტექსტით wa.me ბმული ძალიან გრძელი ხდება — ყოველი ქართული ასო რამდენიმე სიმბოლოდ იქცევა. შეამოკლე linkz.ge-ზე:

1. დარეგისტრირდი და ჩასვი wa.me ბმული პანელში.
2. „დამატებით პარამეტრებში“ მიეცი მორგებული მისამართი, მაგალითად linkz.ge/shekveta (3-32 სიმბოლო, ლათინური ასოები, ციფრები, _ და -).
3. მოხსენი მონიშვნა „ამ ბმულზე რეკლამა და შემოსავალი“. ის ნაგულისხმევად ჩართულია, მყიდველი კი ჩატამდე ჯერ რეკლამის გვერდს ნახავდა.
4. დააჭირე „შემოკლებას“ და ტელეფონზე გამოსცადე: უნდა გაიხსნას WhatsApp შენი ნომრით და ტექსტით.

ბონუსი: ანალიტიკაში ნახავ, რამდენმა დააჭირა. გაითვალისწინე, რომ linkz.ge ითვლის ბმულზე დაჭერას — რამდენმა მოგწერა რეალურად, ამას WhatsApp-ში ნახავ. ნომერი ან ტექსტი თუ შეიცვალა, ბმულის რედაქტირებაში „დანიშნულების URL“ შეცვალე და ძველი ბმული ახალ ნომერს გახსნის.

QR დახლისთვის, ვიტრინისთვის და შეფუთვისთვის

ბმულების სიაში დააჭირე QR ხატულას, აირჩიე მუქი ფერი და დიდი ზომა (L) და ჩამოტვირთე PNG. დაბეჭდე და დადგი დახლთან წარწერით „შეუკვეთე WhatsApp-ით“. მომხმარებელი ასკანერებს და ჩატი მაშინვე იხსნება. თითო ადგილს ცალკე ბმული მიეცი (linkz.ge/wa-dakhli, linkz.ge/wa-paketi), რომ სტატისტიკაში გაარჩიო. ბეჭდვის რჩევები: QR კოდი მენიუსთვის და ვიზიტკისთვის.

Link in Bio გვერდზე

შენს Link in Bio გვერდზე „სოც. ქსელებში“ აირჩიე WhatsApp-ის ხატულა და ჩასვი შენი wa.me ბმული — ხატულა ბმულების ზემოთ, ხატულების რიგში გამოჩნდება. შეგიძლია ცალკე ღილაკიც დაამატო, მაგალითად „შეუკვეთე WhatsApp-ით“, და სიის თავში მოათავსო.

ხშირი შეცდომები

• ნომერში +, ინტერვალი ან ტირე დარჩა, ან ქვეყნის კოდი 995 დაგავიწყდა — ბმული არ იმუშავებს;
• ტექსტი დაშიფვრის გარეშე;
• რეკლამის გვერდი ჩართული დარჩა გაყიდვების ბმულზე;
• სატესტო გახსნა მხოლოდ კომპიუტერზე — ჯერ ტელეფონზე შეამოწმე;
• ერთი ბმული ყველგან — QR-ს, Instagram-სა და ფლაერს ცალ-ცალკე ბმული მიეცი.